- alafadila
- 6 أبريل
- 10 دقائق قراءة
تاريخ التحديث: 4 مايو
سنغافورة - تحت الانشاء
مقدمة مبسطة
مدينة من المستقبل. هذا هو اللقب إللي بيجي على بالي لما بفكر في مدينة سنغافورة.
شوف..قصة سنغافورة والتطور الخرافي الغير مسبوق إللي شهدته ووصلها للصورة الحالية, هي قصة مشهورة والإنترنت واخذ قصتها رايح جاي، فاااا..مش راح أتطرق لهذا التاريخ وأحرق وقتك وققتي. إحنا جايين اليوم نحكي عن سنغافورة "السوبر سيتي"؛ في سنغافورة يا صديق كل شيء مبهر أكثر وأكثر..مبانيها أعلى وأعلى،..فنادقها أفخم وأفخم..قوانينها أصرم وأصرم (هو في كلمة هيك؟؟)، والنظام فيها أدق وأدق..شوارعها من الأنظف، ومنتزهاتها الكثيرة..من الأخضر..بكل صراحة..عن نفسي؟ سنغافورة هي واحدة من المدن القليلة إللي قدرت أتخيل إنني ممكن أعيش فيها وأكون مبسوط ومتأنتخ ليلاً نهاراً..بس العين بصيرة والإيد قصيرة..سنغافورة غالية غالية غالية..من كل ناحية.
سنغافورة الدولة هي أصغر دول جنوب شرق آسيا، وسنغافورة المدينة (العاصمة) هي أكثر مدن جنوب شرق آسيا إبهاراً للعين؛ مجموعة ناطحات سحاب على مجمعات تجارية فاخرة لأبعد الحدود، ومباني إنوجدت هيك لله، يمكن بس لتتصور وتنحط على الإنستاجرام! كل هذا وسط نظام ونظافة ما إلها مثيل (إلا في اليابان حبيبتي)، ونظام مترو عصري لأقصى حد، ما بين شوارع مزدانة ومليانة بالأشجار الكثيفة، ووسط مجموعة محترمة من القوانين إللي بترغم ساكنيها وسواحها على "المشي على العجين ميلخبطهوش"...لكن..وهذه هي كلمتي المفضلة..لكن..سنغافورة هي مش بس مدينة للروبوتات المحترمة نفسها لأنها بتمشي على القانون رامية تعظيم سلام على طول..لأ..برضه في سنغافورة موجودة مناطق شعبية، قريبة جداً جداً للقلب، وفيها لمحة تاريخية أو تراثية..مثل "كامبونغ غلام"، المنطقة ذات الطابع العربي أو الإسلامي، أو "تشاينا تاون"، أو "ليتل إنديا"..بإختصار: سنغافورة ملائمة للشاب والصبية، للطفل والكبير، للسينغل وللعائلة..هنا موجود كل شيء لكل واحد. تعال نتعرف على أهم تفاصيل هذه المدينة ..
الموسم السياحي
جرب إفحص في الإنترنت، وراح تشوف كل واحد بيحكي شيء ثاني..لكن على الأغلب وبحسب المتفق عليه؛ الفترة ما بين شهر ٢ أو ٣ حتى شهر ٧ راح تكون ملائمة أكثر..في الغالب. مع العلم إن كمية المطر، والرطوبة تقريباً متساوية كل أيام السنة..لكن الفترة ما بين شهور ٣ و٧ بيكون المطر أقل حبة.
شيء واجهته شخصياً؛ يوم الإثنين حكوا مطر بنسبة ٧٠ بالمية..ولا نزلت حبة مطر واحدة. يوم الثلاثاء حكوا مطر بنسبة عشرين بالمية، مطرت فيضانات فوق راسي...لكن هذه هي سنغافورة..ولو مطرت، راح تشمس بعدها بشوية لا تخاف.
المدة
٥ أيام إلى أسبوع، ولو كان معك وقت - وأهم شيء فلوس - ممكن تبقى هنا فترة أطول شوية. إعمل حسابك إن سنغافورة قريبة جداً من تايلاند وفيتنام و إندونيسيا وماليزيا. لهذا الشيء إللي بييجي هنا بيعمل حسابه يمر على مدن أو دول أخرى..لو الجيبة بتسمح..مش عاوزين خراب بيوت!
العملة النقدية والأسعار
العملة النقدية هي "زنغابور دولار" وبتساوي حالياً ٠،٧٦ دولار أمريكي.
سنغافورة يمكن تكون حالياً أغلى دولة ممكن الواحد يفوتها. لكن برضه هنا موجودة طرق ممكن الواحد يجربها لحتى يقتصد شوية. لكن بتضل المدينة أكيد غالية، لو قارنناها بأي دول أخرى.
أسعار الفنادق في المناطق المركزية وحواليها أغلى (تقديري الشخصي بنسبة ٢٥ إلى ٣٠ بالمائة من دول أوروبا وآسيا).
لكن أحياناً ممكن يصادف الواحد فندق هنا أو هناك أرخص من المتعارف عليه، بالذات في منطقة "جي لانغ" ، أو "جو شيات"، أو حتى في منطقة "كامبونغ غلام". أنت بس أعمل إللي عليك وركز على إنك تحجز فندق قبل رحلتك بفترة أطول لتضمن سعر أفضل.
بالنسبة للمطاعم؛ الأسعار العادية هنا برضة أغلى..الفطور العادي ممكن تكون تكلفته تقارب ال ١٥ دولار سنغافوري على الأقل. القهوة ٥ دولار على الأقل. برضه هنا موجودة طبعا إمكانيات أرخص، لكن أنا بحكي عن المتوسط إللي بنشوفه في أغلب الأماكن.
لكن الأكل ولا مرة كان مشكلة، بالذات في المناطق الشعبية مثل "تشاينا تاون"، "ليتل إنديا" أو كامبونغ غلام الاسعار بتكون أقل بمراحل..البيتسا إللي سعرها بأقل مطعم في "اورشارد رود" الفخم ممكن توصل براحة ل ٢٥ دولار، ممكن تلاقيها في "كامبونغ غلام" بي ٢٠ دولار..لاحظ الفرق!
ممكن الواحد يجرب الأكل الشعبي في "هوكر سنتر" المتوزعة في كل أنحاء المدينة، وهي عبارة عن أسواق فيها مطاعم صغيرة كثيرج، وما بينها متوزعة طاولات وكراسي مشتركة بشكل عشوائي. الأسعار هنا بسيطة، لكن الاجواء نفس الشيء..ما تتوقع قعدات خمس نجوم.
الوصول والمواصلات
نظام المترو أو "إم آر تي"
شخصياً أنا شايف نظام المترو في سنغافورة أفضل من أي مكان أنا دخلته قبل. الدقة، النظام، النظافة، طرق الإستخدام، الأسعار المعقولة، الشكل والراحة. جدير بالذكر إن نظام المترو ملائم جداً للعائلات. المحطات مكيفة ومزودة بالمصاعد.
على فكرة، الحكومة قررت بناء شبكة المترو بعد ما لاحظت إن الدولة بتستقبل ضعف عدد ساكنيها من السواحَ!
في سنغافورة موجودة ٦ خطوط مترو بتحمل ما يقارب ال ٣ مليون إنسان يومياِ، وبتمر على ١٦٠ محطة في أنحاء المدينة في نظام بيبلغ ٢٤٠ كيلومتر.
لتسهيل الحركة جعلو لكل خط لون معين. حقيقة ما في لزوم أشرح كثير عن أسماأ المحطات أو "هو من فين يودي على فين". أكتب داخل جوجل مابس عاوز توصل لأي مكان وراح يطلع معك الخطوط إللي ممكن تستعملها. أغلب المعالم السياحية ممكن الوصول إلها بالمترو لوحدة. تقريباً ما حدا بيستخدم الباصات من السواح. الأمر سهل جدا مقارنة بأي مكان ثاني. جدير بالذكر إن شبكة القطار مربوطة برضه بالمطار.
بشكل عام يفضل تجبن ركوب المترو في أوقات الذهاب والرجوع من العمل، لأن المترو بيكون مليان بأبناء البلد الرايحين أو راجعين من الشغل.
شراء التذاكر:
هو بالإمكان إستخدام بطاقات الإئتمان لركوب المترو. لكن أنا بنصحك بشراء بطاقة "إز لينك" أو "نيتس" من المكاتب الموجود في المحطات (خلي بالك إن المكاتب بتأخذ كاش، مش ممكن الدفع ببطاقة الإئتمان).. سعرها ٦ دولار. ثلاثة دولار ما بيرجعوا، والبطاقة ممكن إستخدامها لأربع سنين.
البطاقة هذه ممكن دائماً شحنها على الأجهزة الموجودة في محطات المترو، وإللي بتستقبل بدورها بطاقات الإئتمان وبرضة كاش. سعر السفرية الواحدة تقريباً ٢،٥ دولار سنغافوري.
المبيت
لأن سنغافورة غالية ما تتوقع إنك ممكن تقتصد هنا ولا هناك وبشكل ملحوظ لو سكنت منطقة معينة. صحيح إن مناطق مثل "جي لانج" أو "جو شيات" أو "ليتل إنديا" أو "كامبونغ غلام" وإللي هي مناطق سياحية ممكن تكون فنادقها أرخص شوية..لكن في النهاية الفرق مش كبييييير جداً. لكن بشكل عام طبعاً مفضل الواحد يتجنب المناطق المعروف اإنها غالية مثل "أورشارد رود" ومنطقة "مارينا باي" أو "سنتوسا".
شو أعمل في سنغافورة
١. سنتوسا آيلاند
زي ما عينك شايفة..إسمها "سانتوسا ايلاند"...جزيرة بحالها!..فاا..بدك تسامحني إنني راح أذكرلك بس أهم الأشياء، ومن غير تفاصيل كبيرة، وراح نتطرق لها بمقال لحالها..الأكيد أن سانتوسا، إللي هي جزيرة قريبة جداً وتابعة لسنغافورة، تحولت لجنة سياحية في أيامنا هذه ف أكيد بتستحق تقضي فيها يوم أو يومين..أهم المعالم السياحية:
-"يونيفيرسال بيكتشرس ستوديو"
على غرار شركة "ديزني" إللي أسست مدينة ملاهي "ديزني لاند"، برضة شركة إنتاج الأفلام "يونيفرسال بيكتشرس ستوديوز" قامت بتأسيس مدن ملاهي بإسمها، وواحدة منها موجودة في سنغافورة. هنا موجودة عروض من شارع سمسم، أفلام "مينيونز"، "جوراسيك بارك"، عودة المومياء، "ترانسفورمارز"، "شريك" وغيرها. العروض مبهرة بصرياً، والتجربة والألعاب بتسوى فعلاً، وملائمة للكبار. هنا شبه مضمون إن الواحد يقضي يوم رائع مع العائلة.
أسعار التذاكر بتبدأ من ما يقارب ال ٥٥ دولار أمريكي (تذكرة دخول ليوم واحد)، وشاملة كل العروض والركوبات.
-"أدفينتشور كوف ووتربارك"
شو يعني "ووتر بارك" عارفين طبعا. بالذات للأطفال والعائلات راح تنبسطوا كثير. هنا موجودة زحاليق رهيبة، للي بيحب هذه الأشياء،. لكن برضه هنا موجود نهر موجود فيه أنواع كثيرة من الاسماك..وأسماك القرش برضه!. واحدة من الأشياء إللي ممكن تضايق البعض هي أعداد البشر الكثيرة هنا.
سعر الدخول ٣٤ دولار.
-"باترفلاي بار و إنزكت كينغدوم"
زي ما هو واضح من الاسم هنا الواحد ممكن يتأمل أنواع غريبة من الفراشات والحشرات، وشوية حيوانات أخرى مثل طبور الببغاء والسلاحف.
سعر الدخول ٢٠ دولار.
-"ايفلاي سينغابور"
حابب تنط "باراشوت" ونفسك ما طاوعتك؟. داخل هذا المبنى موجود تيار هوائي صناعي مخصص وشغال لعلو ٢ متر. ال "السكاي دايف" هذا مكلف شوية: ٨٩ دولار لتجرب حظك مرتين في "ركوب الرياح".
-شاطيء "سيلوسو"
في جزيرة سنتوسا موجودة عذة شواطيء، أشهرها شاطيء "سيلوسو". المقطع هذا من الجزيرة بالفعل حلو، وشاطيء سيلوسو نظيف وملائم للسباحة والرياضات المائية على مختلف أنواعها. طبعاً زي إللي بنتوقعهم من سنغافورة كلها برضة هنا الشاطيء موجود فيه كل شيء، من حمامات وبافيليونز، لمطاعم ومقاهي بيبيعوا كل شيء البطن بترغب فيه. بالذات ممر المشاة على إمتداد الشاطي بيتيح للي بيحب يتمشى بمنظر الشاطيء الساخر. موجود هنا باصات مجانية بتوصل السواح لل مونوريل الموجود في الجزيرة، وإللي بيربطها ب هاربور سنغافورة.
مجاني
-"اي جي هيكيت"
برج علوه بيبلغ ٥٠ متر متصل بجسر زجاجي طوله ٤٠ متر، وموجودة فيه راجوحه عملاقة. هنا ممكن تنفيذ قفزة "بنجي" بسعر ٢٠٠ دولار. المشي على الجسر تكلفته ١٦ دولار، وركوب الراجوحة ٨٠ دولار.
-ميرليون
هذا التمثال، إللي هو عبارة عن نصق أسد ونصف سمكة - هو سيمبول المدينة، وموجود له عدة تماثيل داخل المدينة. أشهرها هذا المبنى اللي عملياً تمثال مرليون عملاق. بالإمكان دخوله الصعود للقمة إلى فك الأسد. من هنا عندك إطلالة على الجزيرة.
سعر الدخول ١٢ دولار.
-سي اكواريوم
أكثر من ١٠٠ ألف حيوان بحري موجودين في هذا الأكواريوم الزجاجي العملاق. للي بيحب هذا الأمر بنصحك تيجي خلال أيام الأسبوع. على الويكءند بيكون الأكواريم مليان عن بكرة أبيه.
سعر التذكرة ٣٩ دولار.
-سنتوسا كيبل كار
هو طبعاً في عدة طرق للوصول إلى الجزيرة من جهة المدينة. أغلى هذه الطرق هو ركوب ال كايبل كار. صدقاً: بعد ال كابل كار الموجود في غرينديلفالد في سويسرا، يمكن هذا هي أجمل سفرية بالتلفريك ممكن الواحد يعملها.
سعر التذكرة ٢٥ دولار (أونلاين)
٢. كامبونغ غلام
الأغلبية الساحقة من سكان هذه المنطقة هم بالأصل من الملايو، وإللي ديانتهم الإسلام. كانوا هاجروا لهذه المنطقة في بدايات القرن التاسع عشر. بجانب هذه الأقلية، كانوا هنا بعض التجار العرب برضه. هذه المنطقة المعروفة ببناياتها المزينة بالألوان تحولت بعصرنا الحالي لمنطقة بتنبض بالحياة، بسبب مقاهيها ومطاعمها المميزة، إللي أغلبها بيقدم المأكولات العربية والتركية والماليزية، وبسبب شوارعها الصغيرة بمبانيها وزواياها إللي بيغلب عليها الطابع الإسلامي وأحياناً المالاوي العربي، وشوية من الطابع الأوروبي، من فترة الإستطيطان البريطاني وبوت من فترة الإستيطان.
في كامبونغ غلام موجودة عدة نقاط سياحية قريبة جداً للقلب..
-شارع مسقط
واحد من أجمل الشوارع الموجودة في المنطقة والي مدخله عبارة عن بوابة مقوسة. مباشرة بعض القوس موجودة لوحة جدارية كبيرة من التراث العربي، ساحرة ومتقنة جداً ومحبوبة عند "مجانين الإنستغرام".
-هاجي لاين
شارع أو بالأحرى زقاق طويل مميز بمبانيه الصغيرة القصيرة، المهندسة بإتقان وبتحوي تفاصيل ظريفة. أغلب المحلات الموجودة هنا هي بوتيكات صغيرة لماركات محلية، ومقاهي صغيرة وشوية بارات. وهنا بتكثر برضه اللوحات الجدارية الفنية. أغلب زوار هذا الزقاق هم من جيل الشباب، يعني لو عجوز، خذ عصاتك وما تمر هنا..لا بمزح..الشارع واجبة زيارته..
-شارع بوسوره
شارع ظريف تكثر فيه المطاعم والكافيهات وبرضه محلات للمهارات اليدوية. من هنا في إطلالة حلوة على
مسجد السلطان.
-مسجد السلطان
المبنى الأهم في المنطقة كلها، ببناؤه الإسلامي البحت (واضح طبعاً) وقبته ذهبية اللون. مش المسجد الوحيد في منطقة كامبونغ غلام على فكرة، لكنه أشهرها.
-اراب ستريبت
معروف بكثرة المحلات إللي بتتاجر بالسجاد والقماش والعطور إللي أصولها من الشرق الأوسط.
٣. تشاينا تاون
الجالية الصينية في سنغافورة كبيرة جداً، لهذا الشيء من الطبيعي إنها تفرض حضارتها وتقاليدها في كل المجالات في بعض مناطق الدولة. أهم هذه المنطاطق هي المنطقة الملقبة "تشاينا تاون" في سنغافورة. أنت بس أدخل هما هنا ومش راح تشوف أي فرق بينها وبين أي مدينة صينية ثانية بتحترم نفسها؛ كل شيء هنا صيني: هندسة البناء، اللافتات، البشر، اللغة المتداولة، المطاعم، الشوارع، المنتزهات. وبالسنين الأخيرة، تم تطوير هذه المنطقة..واضح إن الحكومة صرفت وكلفت!
شوارع كاملة تشقلب حالها وصارت تلمع..مباني "بيراناكان" المميزة والملونة بشبابيكها والأسواق اللي بتبيع كل ما هو صيني. الشيء الأكيد هو إن يوم كامل وطويل هنا راح يكون مليان بالمشي والإنبعار ما بين الشوارع المزينة، والمحلات والاسواق والمطاعم والمعابد الصينية،. إللي ممكن الواحد يشوفه هنا كثير، لكن خليني أعطيك شوية رؤوس أقلام بس لحتى المقال ما يطول (فوق ما هو طويل!)، وإن شاء الله قريباً راح أجهز مقال عن يوم كامل في تشاينا تاون، راح نتمشى فيه مع بعض وعلى مهل على أهم النقاط في المنطقة.
مبدئياً المفروض الواحد يمر على هذه النقاط:
-بيوبل بارك كومبلكس
في حال خروجك من محطة المترو راح يواجهك هذا المبنى العملاق، اللي باحته وطابقه الأرضي هي عبارة عن عشرات المطاعم الصينية إللي بتبيع أنواع متعددة من الأكل الصيني الشهي. داخل المبنى موجود سوق صيني عملاق بيبيع كل شيء ممكن يخطر على بالك.. وما بتحتاجه، لكن بسعر التراب.
جاردن لنك بريدج
عبارة عن جسر صغير مخصص للمشاة، من أحل العبور من فوق الشارعين الرئيسيين هنا. على هذا الجسر تم تأسيس حديقة ظريفة جداً..مكان رائع لإلتقاط الصور!
مسجد الجامعة
مسجد أخضر يعتبر أيقونة في منطقة تشاينا تارن (موجود دائماً على بطاقات البريد، أو الطوابع مثلاً، وتم الإعتراف فيه ك نصب تذكاري قومي مهم في سنغافورة. تم بناؤه قبل أكثر من ٢٠٠ سنة، من قبل مهاجرين مسلمين من جنوب الهند (تميل).
شوارع مهمة في تشاينا تاون
موجودة شوارع هنا أهم من غيرها مجبور الواحد يمر عليها؛ باجودا ستريت، سميث ستريت، تمبل ستريت، تشايناتاون ستريت ماركت، و تشايناتاون فود ستريت. وفي آخر هذول الشارعين،
بودا توث ريليك تمبل
واحد من أجمل المعابد الموجودة في جنوب شرق آسيا بشكله المختلف عن المألوف للعين من المعابد الآسيوية. المعبد هذا بيفتح أبوابه للعامة للتجول بداخله ومشاهدة الرهبان خلال ترديد وترنيم صلواتهم.
سري ماريامان تمبل
موجود ما بين "باغودا ستريت" و "تمبل ستريت"؛ معبد هندوسي مميز الشكل قلما الواحد يشوفه في دول آسيا (ما عدا الهند طبعاً).
هذه هي أهم النقاط الموجودة برأيي...لكن طبعا موجودة هنا وهناك كثير أسواق أخرى لأكل الشوارع.."هوكر"، وبرضة موجودة مولات عصرية جداً جداً جداً، بجانب ناطحات سحاب عصرية بتوخذ العقل صراحة..راح نحكي عن تشاينا تاون إن شاء الله في مقال لوحدها.
٤. "ليتل إنديا"
تلدعلذغطغ
٥. أورشارد رود
زنداذبذلبذليط
٦. منطقة "مارينا باي"
المنطقة المشهورة عالمياً الموجودة على خليج سنغافورة هي أكثر منطقة عصرية وأصغرها عمراً في سنغافورة. البروميناد أو الممشى يعني بيبلغ طوله ما يقارب ال ٣،٥ كلم ويومياً يمتلىء بالسواح إللي بيتاأملوآ المباني المحيطة من ناطحات سحاب فيها فنادق وشر؛ات عالمية ومسارح ومتاحف، وبرضه بيمتلئ بابناء البلد إللي بيمارسوا رياضة المشي أو الجري أو ركوب الدراجات الهوائية. يمكن هذه المنطقة هي أكثر منطقة عصرية ممكن تشوفها في العالم، برأيي على الأقل. السبب هو تصميم المباني المميز إللي وكأنه من المستقبل. أول شيء لازم تعمله هو إنك لازم تمشيء على الممشى الراقي وتتأمل الزوشة الموجوزة وجموع البشر. وطبعاً لازم تدخل مكان هنا، أو مبنى هناك.تأكد من إنك تخصص يوم كامل لهذه المنطقة..برضة هنا راح يكون لنا وقفة مع أهم التفاصيل عن يوم كامل في مارينا باي.
خلينا نستعرض أهم المباني والفعاليات إلليي المفروض السواح يقوموا فيها:
-مارينا باي ساندس
هذا المبنى المبهر بصرياِ ومعمارياً هو أشهر مبنى سنغافوري على الإطلاق ويعتبر أيقونة الدولة من غير نقاش.
هذا الفندق اذو ال ٣ أبراج، كل واحد منها فيه ٥٥ طابق. فوق ال ٣ أبراج موجود سقف على شكل سفينة بيمتد فوقه مسبح إنفينيتي بول. هنا موجودة برضة مطعم وبار معتبرين وغاليين جداً. من أجل دخول المسبح الساحر لازم تكون مقيم في الفندق للأسف. لكن بالأمكان الصعود للسقف، حتى لو كنت غير مقيم في الفندق، سعر التذكرة هنا ٣٠ دولا، والإطلالة مبهرة صراحة، بالذات في ساعات المساء. طبعاً ممكن برضة الحجز في أحد المطاعم الموجودة، لو حبيت تتجنب سعر التذكرة، بس راح تلبس أسعار المطعم القاصفة لفقرات الظهر. الأسعار غالية بشكل مبالغ فيه.
-آرت ساينس ميوزيوم
كمان مبنى مبهر بصرياً وغريب الشكل، وهو عبارة عن متحف تقام فيه عروض ح ارية، تكنولوجية،فنية وعلمية.
سعر التذكرة
-ذا شوبس
يعني..بتحسهم كانوا عاوزين يبنوا مطار وغيروا رايهم في آخر لحظة. مساحة هذا المجمع التجاري الفاخر كبيرة وجدا، ومحلاته بتشغل أهم الماركات العالمية.
ذا هليكس
جسر مميز الشكل ، حاي برضه من المستقبل البعيد، عاملينه بس علشان يبهروا العالم، وصراحة نجحوا ببراعة. من هنا لمحبين التصوير موجودة أجمل صور.
مرليون بارك
هذا التمثال متوسط الحجم على شكل نصف أسذ ونصف سمكة هو رمز الدولة، منظر التمثال وهو "بيبصق المياه" ظريف جداً ومحبوب عند آلاف السواح المتجمهرين دائماً حواليه.
إسبلاناد
هذا المبنى المميز الشكل إللي بيشبه حبة الجوافة فيه قاعة كونسيرت وقاعة مسرح عملاقة، وبسبب شكله إشتهر سياحياً.
-جاردينز باي ذا باي
وراء فندق مارينا بايساندس موجودة منطقة فسيحة جداً وخضراء ةجذا جداً..أدفغال من الأشجار. هذه المنطقة تم الإهتمام فيها وإنشاء عدة شوية أنهار ومباني بطريقة جميلة جداً، وإللي الهدف كان منها زيادة المنطقة الطبيعية فبي المدينة لزيادة جودة حياة أهل البلد، بجانب زيادة الوعي وتوجيه الأنظار للمشاكل إللي بتواجهها البيئة والكرة الأرضية. المنطقة كلها هي من أجمل ما يمكن للعين إنها تشوفه. هو بجانب إن الواحد ممكن يتمشى هنا ويستمتع بالطبيعة، إللي يعني مهتمين فيها لأقصى حد، هنا برضة ممكن المرور والوقوف عند مباني خرافية الشكل والوظيفة برضة. فلاور دوم مثلاً هو مبنى زجاجي هو الأضخم من نوعه في العالم، مخصص لإحتواء نباتات عديدة عادة بتنبت في مناطق قاحلة شوية. كلاود فوريست: كمان مبنى زجاجي مخصص للنباتات إللي بتشوفها عادة في المناطق العالية، ما بين ألف و ٣٠٠٠ متر فوق سمطج البحر. لكن بتضل الهايلايت الكبرى، إللي يعني مصممها أبدع فعلاً لما إشتغل عليها هي ال "سوبر تريز" ،هي أبراج حديدية ذو علو ما بين ٢٥ و٥٠ متر مليانة بالنباتات المتسلقة والنادرة. موجود فيها إنظمة إضاءة عديدة، وإللي بواسطة كتساب الطاقة الشمسية بيتم تشغيلها. تعال هنا الساعة السابعة و ٤٥ دقيقة مساءاً أو الثامنة و ٤٥ دقيقة لمشاهدة لعبة الأضواء على أنغام موسيقي بما يعرف ب "جاردن رابسودي". هذه الفعالية مجانية، وبيشاهدها يومياً الآلاف. لو حبيت الصعود والمشي على الججسر الموجود بين بعض هذه الأبراج، لازم تشتري تذكرة سعرها...
هذه كانت أهم معالم منطقة مارينا باي. هنا زي ما حكيت عاوزلك يوم كامل لتمر على كل إللي حكينا عنه وزيادة. قريباً مقال كامل عن هذه المنطقة بعون الله.
٧. ساوثرن ريدجيز
٨. مطار "شانجي"